Kaixo! Ni Olatz naiz, Ama Yogako zure bidelaguna.
Madrilen unibertsitateko ikasketak egiten ari nintzela topo egin nuen yogarekin. Lehen unetik maitemindu ninduen, eta orduz geroztik nire bizitzaren parte bihurtu da.
Are gehiago, duela 8 urte nire bizitzaren norabidea aldatu zuen yogak. Nire betiko lanarekin ez nintzen asebeteta sentitzen, eta une jakin batean yoga irakasle izateko ibilbidea hasi nuen.
Amatasuna izan zen egun Ama Yoga den proiektu honetako sugarra. Ama izateko gogoak bultzatuta, eta horren gainean asko hausnartu ondoren hartu nuen betiko lana uzteko erabakia. Eta haurdun geratu nintzen. Haurdunaldiarekin batera jaso nuen lehen formakuntza, eta ama izateak sugar hori itzali ez ezik, hauspotu egin zuen: Ama Yoga piztu zen.
Urte guzti hauetan ikasten eta formatzen aritu naiz, eta yogarekin lotutako askotariko eskolak jaso ditut. Eta bide honek ez du bukaerarik; etengabeko ikasketa baita hau: formakuntzetatik hasi eta zuengandik jasotzen dudan jakintzaraino.
Ama Yogan ikusiko dugu elkar.
